本欄由藍鑽石、法比奧、阿呢斯奧輪流執筆，觀點不代表本報立場。
身為鑽石王老五的阿呢斯奧兄，度出「老婆唔畀睇波，應否堅持？」這條問題，擺明想考考早當老襯的我、法比奧。事先聲明，這問題對藍鑽石已屬過去式，假設仍有，區區也會堅持到底。
時間：若干年前某個周日假期；場景：藍鑽石家中，晚上九點睇意甲直播。「又睇波？睇吓其他台好過啦。」對於老婆這個聖旨，首先我會借聾耳陳隻耳，聽如不聞。她再三提出，我才採用兩大必殺技。
一．投其所好。我說：「呢隊好多靚仔，嗱，仲有一個後備，一陣應該會出場，等吓。」等了又等，90分鐘比賽轉瞬便過。
第二．請君入甕。「嗱，家陣比數係1:0，你信唔信好快就1:1吖嗱？唔得，我就熄機。」牽涉到打賭、鬥氣，女方通常受落，又是那句：等了又等，90分鐘比賽轉瞬便過。
對老婆，藍鑽石從不會（也不敢）抱「80歲之前唔好畀飽飯佢食」的態度，當遇到興趣與情感的兩難處境，通常會堅持。各位人家老公，足球乃人類共通語言，運用得好更可增進兩口子的感情，更值堅持。倫常慘劇？太誇張吧！
文：藍鑽石