楊千嬅昨日到葵芳出席「葵青區滅罪開幕禮」，早前她在回家途中遭大樹壓在保母車頂，令她留下陰影，她說：「前兩日8號風球又大風又大雨，我都唔敢出街。」
有記者提議千嬅找猛男相伴會安心點，她笑說：「我都係自己學游水好啲，睇落功能大好多喎。本來仲有人叫我睇相，但我覺得冇咁嘅需要，如果整定要發生嘅話，點都避唔到，不如積極啲學求生本能好過。」
千嬅得悉蔡卓妍（阿Sa）的保母車也被大樹壓中時關心地說：「咁大鑊？佢有冇事呀？最緊要人冇事。」
戥Kelly高興
談到陳慧琳宣佈婚訊，千嬅笑說：「我戥Kelly（陳慧琳）開心呀，呢個真係童話故事，拍拖16年開花結果，對好多香港獨立女性嚟講，係一個鼓勵。」那麼有否鼓勵到自己快些結婚？千嬅說：「有冇鼓勵到我？每個人行嘅路都唔同。」至於何時傳喜訊，她即避開話題笑說：「我不嬲專注工作喎。」
採訪、攝影：何慧斯