古天樂（右）同黃曉明（左）早前幫百事拍咗新廣告之外，佢哋仲會喺汽水罐上親筆撰寫心聲。古仔話呢個構思對佢嚟講係最好不過，佢話：「呢次雖然只可以用好短嘅文字表達自己嘅諗法，但係對我嚟講意義好重大，係難得嘅機會畀大家對我加深了解。」另外，廣告裏面照佢哋個樣做嘅道具石像俾人偷走咗，有關方面仍然好努力咁搵緊。