意大利足總噚日終於炒咗教練鄧納東尼，有傳意足總唔同佢續約之餘又冇水補，睇嚟之前廣泛流傳，佢同足總合約入面有啲特別條文係堅嘅。至於接任人係兩年前帶隊贏世界盃嘅納比，佢前晚已身在羅馬同意大利足總高層傾掂。兩年前意軍身處高峯，佢選擇急流勇退，家陣鄧納東尼孭完隻鑊佢至返歸，銀狐果然係銀狐。