武打女星李賽鳳（右）之前同前夫羅啓仁（左），因為婚外情一事而公開互數對方不是，其後女方喺自己個blog繼續指摘羅啓仁，更加直斥前夫同現任女朋友汪小莉有不尋常關係，結果搞到好大件事。事後汪小莉循法律途徑告李賽鳳，指佢侵犯其個人名譽。日前北京市第一中級人民法院為呢件案宣判，結果係李賽鳳要向汪小莉道歉。