古巨基日前喺台灣宣傳國語碟，歌迷送咗段影片畀基仔，當中收錄佢第一次到台灣出碟嘅片段，其中一句「3077天的等待」，令基仔感動落淚，佢話：「我能夠體會她們等待我來台灣發片的心情。」大會仲請嚟塔羅師幫基仔占卜，問幾時能夠成家立室，塔羅師話基仔喺半年到一年內有真命天女出現，而且係工作環境裏嘅對象㖭，唔知係咪佢位緋聞女助手Lorraine呢？