【泰國直擊】由彭順和彭發這對孖仔導演執導的新片《風雲II》，近日趕拍得如火如荼，昨日在泰國趕拍由任達華扮演的絕無神與何家勁演繹的無名對打戲份，其他演員郭富城、蔡卓妍（阿Sa）、鄭伊健、謝霆鋒和唐嫣等也到場配合宣傳。
與千嬅同遭遇
阿Sa昨日出發往機場赴泰時正值高掛八號風球，途經司徒拔道卻遇上大樹倒下，她猶有餘悸地說：「當時都睇到大樹搖搖欲墜，司機諗住慢駛，駛過時直徑一呎半嘅大樹就跌落嚟，令擋風玻璃裂咗，水撥都壞埋，但事後我冇報警。」幸好航班受颱風影響延誤，才不致影響行程，阿Sa說：「我今日只係嚟宣傳，我遲啲要拜觀音。」事有湊巧，阿Sa緋聞男友鄭中基的舊愛楊千嬅，早前也遇上座駕被塌樹壓中的意外。
對於鍾欣桐接拍荷李活西片《W.》，阿Sa說：「我最近有見過佢，呢個都係好機會，我哋不嬲好珍惜工作機會。」
久未露面的何家勁指多年前曾在亞視劇集《中華英雄》中演華英雄，該角色正好是《風雲》中無名的延續，他說：「10年後再拍番，好開心。」
採訪、攝影：何永寧
