「BB好乖喎，已經轉好位預備出世啦！」醫生笑着說。「吓，咁快，我未開始放假！」「你諗住點放？」「你上次叫我前二後八嘛！」「啱啦，後面放長啲好！」「但提早出世點算？」「唏，轉啱位冇話即時出世㗎！」但，我真的開始擔心，公司canteen好多姐姐都問我點解仲唔放假，連我自己都開始覺得是否應該即時休假……直至，我知道那個殘酷的現實……
唉，原來10星期的產假，根據香港勞工法例，只會八折出糧。吓，八折？唔係啩，連秘書小姐知道此事後都嚇了一跳，我更加晴天霹靂！即刻打畀做HR的老公：「做咩唔話我知八折出糧？」「我以為你知，況且，有問題咩？」「歧視呀！」「歧咩視，你嗰10星期冇貢獻㗎！」「你畀番出少咗嗰20％呀！」「冇你咁好氣！」最傷心是，阿嫂間公司原來出足100%糧，唔公平呀……
大肚Polei：
結婚年幾，從前唔恨亦唔想生仔。因為怕痛怕煩怕地球好快會末日。突然身邊幾個朋友玩大肚，突然心血來潮好想做媽咪。