西班牙《馬卡報》日前透過網站呼籲球迷，話假如西班牙贏得今屆歐國盃冠軍，球迷就剃光頭，此舉旨在表達支持國家隊嘅決心喎。咪以為呢個行動好無聊，據報單係一個當地時間星期二晚，已經有超過一萬網民留言表示會響應支持，真係誇張。今個夏天假如大家去西班牙旅行而又見到多咗好多光頭佬，唔使感到太意外。