一向於表演中寸爆全港官商名流的詹瑞文，昨日3號風球下為《男人之虎》宣傳。以一身「煲呔詹」打扮出現的他，一到場就笑指政務司司長唐英年經常講錯說話，又以香蕉和T-back內褲，調侃他早前以「吊吊fing」形容漢普頓酒店被逐旅客的言論，他說：「我今日就係出嚟幫佢補鑊，其實佢係想話一班旅客俾漢普頓酒店搞到陀陀擰啫！」他又提到唐英年若到場欣賞表演，一定會隆而重之，更會送出T-back內褲，代表穿上後不再「吊吊fing」。
加場招待被逐旅客
阿詹其後又提到國寶中華鱘死亡事件，繼續煲呔上身的他說：「佢哋未夠養魚經驗啦，梗係問吓我先吖嘛，我養錦鯉咁叻。」阿詹接受訪問時，提到7月1日將加開一特別場，更打算招待受漢普頓酒店影響的旅客。
採訪、攝影：藍文浩