周潤發的第一部個人攝影集，昨日面世，3號風球也無阻發哥魅力，吸引數十名市民在尖沙嘴排隊索取簽名，令他暖在心。發哥即將在荷李活新片《Shanghai》中，與鞏俐纏綿，又有2R做妾侍，難怪他笑言「冇得頂，左擁右抱」。
周潤發與名牌LouisVuitton合作的《MovingPictures》個人攝影集，終告面世，昨日在尖沙嘴舉行慶祝酒會及新書簽名會，雖然3號風球高掛，但數十名市民、影迷以及名人趙金卿和杜黃韋娘等仍然冒雨前來，排隊等攞簽名。
攝影如偷窺
發哥大談自己心愛的攝影，他說：「上次搞展覽開心，出書更開心，呢批相起初唔係為慈善，係周太（指發嫂）提議出相集，𠵱家有呢個機遇做善事。」他指在四川賑災事件上，每個人都有不同方式行善，自己一個人的力量不能做太多，李連杰、劉德華和鄭秀文等，各方各人盡做不同事。
發哥自言在影棚拍照是他的專利，他說：「影相係我嘅興趣，拍戲先係我嘅正職，我鍾意攝影，好似有一種衝動，好似偷窺咁，將好嘅東西拍下來。」酒會遇上3號風球，他說：「外面大風大雨，我個心好暖，因為好多有情有義嘅人等攞簽名，好感動。」
在新片《Shanghai》中與鞏俐再演夫婦的發哥，他說：「今次更加激情，愛死佢，男女主角好癡纏，為咗愛人老婆，犧牲好大，愛好偉大。仲有2R做妾侍，冇得頂，左擁右抱。」
10月拍《紅圈》
發嫂則投以信任票，她說：「做咗24年夫婦，冇懷疑，我哋心有靈犀。」發嫂更承認發哥接拍了杜琪峰的《紅圈》（RedCircle），約10月開鏡，荷李活男星奧蘭多布魯（OrlandoBloom）等有份演出，她說：「係啩，有同佢哋傾過電話，佢哋都好有誠意。」
《MovingPictures》個人攝影集，收輯了發哥所拍攝的38幅相片，其中10幅相片昨日首度曝光，並且捐出1000本義賣，扣除成本後，收入捐予紅十字會作四川地震賑災之用。
採訪：JessicaNgan
攝影：EdwardChou
