四川大地震以來，各界捐助籌款仍然熱烈。人稱顧老闆的顧紀筠捐出20多年的珠寶珍藏，周六在君悅舉行「珍情顧意，擁抱蒼生」慈善拍賣，昨日的記者會上，一班好友如汪明荃、鄭裕玲（嘟嘟）及朱慧珊等義務做模特兒及主持。
嘟嘟愛大大粒
顧紀筠透露今次捐出18件珠寶，總值超過200萬元，包括她心愛、收藏10年的慈善「蓮花手鈪」，她說：「成日諗自己啲修為上唔上到去喜捨呢部份，今次都係由捐呢隻手鈪開始，後來諗冇理由捐一件咁少，之後越揀越多。」問18件珠寶佔家中收藏的幾成？顧紀筠說：「唔知，不過冇一件係老公送，老公送嘅就真係唔捨得。」
此外，嘟嘟示範一隻底價23萬8千的鑽戒時，愛不釋手，問她自家收藏有多少？她說：「冇佢咁多，我鍾意一粒，夠大粒，襯襯吓咁。」
採訪：LawWaiMan
攝影：ChenWaiOn