高盛（亞洲）董事總經理胡祖六上個禮拜五出席由《財經》舉辦嘅論壇，引用英國大文豪狄更斯嘅名著《雙城記》開頭幾句經典名句。
「這是最好的時代，這是最壞的時代，這是智慧的時代，這是愚蠢的時代；這是信仰的時期，這是懷疑的時期……」，形容08年中國當前嘅宏觀經濟。
究竟家吓呢個時代有幾咁好，又有幾咁壞？據《上海商報》講，胡祖六用《雙城記》呢幾句名句，係因為喺胡祖六睇嚟，08年宏觀經濟面臨雪災、地震、內需過熱、通脹、熱錢流入、次按危機等問題。咁仲唔係最壞嘅時代。
另一方面，胡祖六又話，中國經濟能夠成功實現軟着陸，喺應對經濟周期衝擊方面，中國喺新興經濟體系中做得最好，只要政策唔發生大失誤，中國嘅經濟能實現更持續、更健康發展。咁仲唔係最好嘅時代。