噚日有雜誌報道話傅明憲喺獄中嘅老公葉劍波，因為難忍老婆屢傳緋聞而提出離婚，令到傅明憲崩潰，要夜夜笙歌借酒澆愁。不過，噚日傅明憲透過助手表示，佢當日出席舊生聚會，因為開心得滯而飲醉，根本冇唔開心，亦冇見乜嘢財務顧問；至於有關佢老公搞離婚傳聞，傅明憲就話唔係事實唔會回應。