張敬軒、薛凱琪、謝安琪和王菀之昨日到商台出席《拉闊變奏廳》記者會。音樂會於下月尾分五場舉行，每人挑選一位歌手的歌曲於演唱會上表演。
薛凱琪會唱鄭秀文的歌曲，她大讚對方：「我覺得佢好有型，好可愛，演出時好忘我。」
至於在網上入選最乞人憎女藝人第5位，網友指她扮可愛和衣着騎呢，她說：「我唔覺自己着衫騎呢，同埋我最唔鍾意俾人話可愛。呢啲嘢唔會令我唔開心，唔mind。但最唔想啲新聞係我冇做過而屈我，初入行試過有人寫我踩另一個藝人，睇完報道我唔開心到喊。」
軒仔唱女仔歌
軒仔選唱林憶蓮的歌曲，他說：「我唱女仔啲歌會有多啲火花。」被問到憶蓮多同性戀歌迷，會否怕吸引此類型fans捧場，軒仔說：「歡迎各界人士參觀指導。」至於與他曾傳斷背情的關智斌會否到場，軒仔大方地說：「我會請佢嚟睇。」
採訪、攝影：王連連