地產代理為促銷樓盤，自然要落足嘴頭，但cinda對呢類促銷手法有啲不滿，喺討論區問「你最不滿地產代理手法」。
網友hehehaha最怕地產代理話：「乜生呀，如果我哋幫你做到呢個價，可唔可以畀多啲佣金呀？」代理話晒靠佣金維生，咁嘅要求都冇可厚非。
量地邦就話唔鍾意佢哋成日話「今日市價，明日筍盤」。yoyo2001唔鍾意「睇親都係天價樓。」最多人唔鍾意嘅係代理唔夠誠實，網友劉長話：「明明個市ok，又話個市好靜。」
pandason就分享經驗，個代理話「個業主都唔係炒家，間屋買咗兩年，今次係蝕讓。」點知佢上網睇，原來業主半年前買入，溢價有半球咁多。