準備今年內結婚的陳慧琳（Kelly），昨日分別到三個電台接受訪問，其中新城送上送子觀音及豬腳薑祝賀她早生貴子，又獲來自廣州、上海及四川等地的fans圍着祝賀兼送禮。Kelly在商台訪問中坦認婚後會生仔，問到會否現在便與男友開始不設防，她說：「結婚都係為生仔，但未得住，要過咗奧運先，因為奧運會有好多活動表演，一陣跳跳吓甩咗（BB）出嚟咪死？」
本周公佈婚期
外界對Kelly婚期諸多揣測，她否認傳聞中的日子，她說：「𠵱家未定，最快星期四可以公佈。」又承認正為擺酒場地而煩惱，她說：「屋企人想擺50圍，但好難搵場地，細場地只可以容納10圍，但爹哋投訴。」有報道指Kelly貼錢貼大床出嫁，她否認說：「佢（指男友劉建浩）就想喇！」問到雙方家長見面有否談及禮金一事，她說：「即係點？要畀錢我屋企？我哋家長都未見，𠵱家都未搵到場地，所以見面都唔知傾得乜嘢，乜都未定唔想驚動啲老人家。」
採訪、攝影：王連連、張俊銘