曾志偉和林敏驄昨日出席在銅鑼灣舉行的「四川地震災後重建及助養孤兒計劃」，他們更會將「曾志偉．林敏驄．棟溝笑2008」六場門票收入，扣除必要開支後全數撥捐計劃內。志偉表示目前仍在度稿中，他說：「我哋最快喺7月頭綵排，我哋仲諗住留番一part喺前一日先度稿，主力會講吓時事。」
對於有報道指是次演出的門票滯銷，貴票要1,000元太貴，志偉說：「因為今次屬籌款，所以門票會調高啲，希望可以籌到多啲錢，我仲有好多朋友搵我訂咗飛，我唔係咁擔心啲飛會賣唔晒。」對於有報道指林敏驄太太陳伶俐掃飛補鑊，他即說：「唔係喎！癲咗呀！我哋好耐冇見，我都唔知道有冇掃飛，點解唔見？我都未結婚。」
採訪、攝影：何慧斯