前晚無綫嘅《鐵甲無敵獎門人》錄影，今次嘅嘉賓有孟瑤、林家棟、梁敏儀、林敏驄同馬蹄露，其中孟瑤嘅身材成為大家嘅焦點，佢一身闊領tee配條熱褲仔，出場時自我介紹用半鹹淡廣東話講：「我係夢遊（孟瑤），我喺比堅尼（北京嚟），拍過電影《X擒X縱X色狼》（七擒七縱七色狼）。」遊戲環節中，當佢踩住家棟大髀上時，由於角度關係，胸前偉大嘅孟瑤頻請家棟食波餅。
被罵禽獸棟
其他獎門人見到呢個情景，就走過去狂鬧家棟係禽獸棟，一人一句咁話佢：「林家棟你好無恥、下流、賤格，係社會敗類。」家棟就解釋話：「我近視咪近啲囉！」
喺玩人肉呼拉圈時，孟瑤就俾家棟轉到件闊領tee露出bra邊，獎門人問佢有冇事時，佢好快咁答：「冇事，齋瀨呀（再來）!」事後馮仁昭問家棟飽唔飽，佢笑笑口話飽到臉都腫咗，玩遊戲要好好享受。問孟瑤個胸貼住林家棟塊面，有冇覺得自己蝕底，佢話：「巧玩呀（好玩），我唔知喎，我好努力咁做嘢。」
