日前公開宣佈10月出嫁的陳慧琳（Kelly），昨日在烈日下出席戶外公開活動，準新娘雖然被曬至香汗淋漓，但仍無損她待嫁的靚靚心情，活動一結束即直踩尖沙嘴廣東道辦嫁妝，由街頭行到街尾連掃八間名店，兩小時內花費逾五位數字。談到婚禮籌備情況，Kelly說：「最緊要婚紗靚，仲要靚過演唱會啲衫。」
陳慧琳上周三在其紅館尾場個唱上，宣佈與拍拖16年的男友劉建浩（Alex）拉埋天窗，預計今年10月嫁作劉家婦。自從親口公佈喜訊後，Kelly一直待在加多利山寓所休息未見露面，反而準新郎Alex連日來均有進出其香閨，陪女友過夜。
直至昨日，準新娘Kelly終於出現，身穿白恤衫襯牛仔短褲的她，昨日上午約8時現身灣仔運動場，出席「全城和應起步迎奧運」活動，引來大批傳媒追訪，Kelly不但全程有問必答，而且活動結束後即往名店掃貨辦嫁妝，盡顯其待嫁興奮心情。
拒絕性感
「親戚見到會嚇死」
由於昨日天氣酷熱，Kelly縱使穿上短褲也難抵33度高溫，只見活動上慘遭暴曬的她熱得緊皺眉頭及扁嘴，坐下時更因椅子熱到發燙，令她大呼：「好辣！」要用手上的小風扇散熱，全程表情及小動作多多。之後大會邀請Kelly上台示範早操時，她更守身如玉不肯做一個俯身動作，事後她接受訪問時直認說：「係呀，我驚走光，雖然有打底，但都係點到即止，唔使咁搏命。」
提到有報道指她將於10月8日在君悅酒店擺酒，Kelly否認說：「梗係唔係，落實會公佈，總之我口中講就一定啱，𠵱家仲搵緊酒店，自己唔想搞太大型，只係請親朋戚友，註冊都會喺香港，鍾珍（經理人）、父母會搞，我只係着條裙出嚟就得，最緊要婚紗靚，仲要靚過演唱會啲衫。」問到其婚紗設計會否很性感時，一向有打底王稱號的Kelly即反應頗大地說：「無端端性感，儍咩？啲親朋戚友見到會嚇死。」
收穫豐富
「都使咗五位數字」
活動結束後，一身香汗的Kelly即前往尖沙嘴廣東道逛名店辦嫁妝，她在助手陪同下，以街頭連卡佛作起點，連環逛了Chanel、Valentino、Burberry、Gucci、YSL、D&G及Joyce等名店，由上午約11時半逛至下午約1時半，花了足足兩小時，而心情大好的她在連卡佛、Valentino、Burberry和YSL這四間名店更大有收穫，又試衫又試鞋，添置了不少新裝。
雖然昨日全程有記者追訪，但無損Kelly辦嫁妝購物心情，她表現友善，與記者有傾有講，任影唔嬲，最搞笑她還為記者開門，但問到她是否抽空辦嫁妝時，Kelly卻說：「唔係，你哋唔好跟，嘥時間，你哋去飲茶啦，因為我之前做演唱會幾個月都冇時間買嘢，所以今日就好開心可以買嘢，都使咗五位數字，不過就冇買嘢畀佢（指男友Alex）。」說罷Kelly便乘車返回加多利山寓所休息。
採訪：何永寧、駱華齡
攝影：陳順禎
話你知：童年好友代尋完美婚紗
陳慧琳公佈婚訊後，現時最迫切是物色喜宴場地，不過對貪靚的Kelly而言，物色一襲靚絕全球的婚紗同樣重要，肩負此重任的，正是其好友黃欐堯（Celia）。昨日Celia在電話中透露，目前正與數間名牌時裝店聯絡中，透過香港代理到外國物色，她說：「件婚紗希望隆重又新潮，最好係獨一無二，款式要特別。晚裝Kelly鍾意粉色系列，如果係靚嘅一件婚紗一件晚裝就夠，簡單好啲，因為Kelly唔想好似做騷咁，佢今次係不計價錢，只求最靚，如果揀中佢可能會飛去外地試衫。」
Celia是Kelly的中學同學，情如姊妹，其後Celia投資開設時裝店DaDa，Kelly也十分捧場，不時穿上她設計的服裝出席活動，又義務為她設計T恤。
早前有傳Kelly的婚紗由服裝設計師奚仲文物色，昨日他透過長途電話接受記者訪問時說：「我喺泰國拍戲，今次冇幫Kelly手揀婚紗，不過知道有好多名牌主動想贊助婚紗。」
相士話：10月出嫁利夫旺財
35歲的陳慧琳與男友劉建浩計劃10月拉埋天窗，堪輿學家區仲德昨表示屬鼠的Kelly命格屬火，10月紅鸞星特別旺，選擇此月嫁娶有助婚姻穩定，加上有天官貴人星高照，有助丈夫事業更好。區又指農曆八月出世的Kelly於農曆九月出嫁，會構成貴人招財局，故婚後不用擔心名利受影響，相反事業及財富會越來越好。Kelly明言婚後不設防，區師傅指Kelly命中子女星貼實夫宮，令她與丈夫子女緣份很深，該育有一子一女，若明年中懷孕，誕下男嬰機會最大。
麥玲玲昨日在馬鞍山出席活動時，則指陳慧琳與未婚夫非常夾，並預測二人婚後會再有喜事。