陳慧琳日前宣佈將與男友劉建浩結婚，梁漢文（Edmond）前晚在無綫將軍澳電視廣播城錄影《火爆音樂空間──超級紅人館》，其間錄影了一個片段祝賀Kelly結婚。
「好戥佢開心」
Edmond在錄影片段中說：「聽講你訂唔到酒店，不如我借個期畀你。」由於之前盛傳Edmond今年會與女友Karen結婚，記者即追問他是否已訂了酒店擺酒？他笑說：「我講笑咋，唔好咁認真。」與女友結婚一事是說笑？他先哈哈大笑，然後說：「唔係，總之我聽到Kelly結婚好震撼，好戥佢開心，至於我嘅到適當時候同大家講。」
此外，方力申、鄧麗欣（Stephy）和楊愛謹（Miki）昨日出席電影宣傳時，方力申大讚Kelly老公說：「佢老公真係好好，睇住佢哋拍拖咁耐，仲係咁sweet，仲有passion結婚。如果有機會我都想試吓喺自己嘅騷講結婚。」
Stephy則說：「我都想喺紅館宣佈婚訊。」Miki也大讚Kelly和Alex長情，她說：「佢哋拍咗16年真係好犀利。」
採訪、攝影：胡比