徐子珊入行多年，第一次擔正做女主角的電視劇《甜言蜜語》今晚首播，她今次在新劇夥拍馬國明做情侶，大賣溫情及慘情。為了宣傳新劇，兩位主角假裝不約而同着上同色同款Converse布鞋，有傳已跟曾華倩各行各路的馬國明還大讚徐子珊舞姿撩人，越睇越吸引。
無綫新劇《甜言蜜語》緊接《師奶股神》後推出，第一次擔正做女主角的徐子珊坦言承接收視好的劇集，會有一定的壓力，所以她要找馬國明一齊分擔，原來他們所言的分擔，就是一齊放煙幕扮情侶。昨日《甜言蜜語》做宣傳，兩位主角馬國明、徐子珊齊齊以一身輕便裝束示人，更不約而同着上銀色Converse布鞋，對於穿上襯到絕的情侶鞋，馬國明笑說：「我哋冇夾過！不過大家taste好相近，好夾，之前合作過五套劇，乜嘢都做齊，已經好有默契。」
「跳舞叻吸引」
有傳已跟曾華倩分手的馬國明，問他是否希望發展一段新戀情？他說：「其實做完《舞動奇跡》之後，覺得跳舞叻嘅女仔好吸引，吸引到我望多幾眼，我見子珊拍嗰個纖體廣告，上下半身扭到甩開咁滯。」馬國明笑言不排除跟徐子珊發展的可能性，他說：「隨緣喇！睇佢會唔會越跳越犀利喇！」
徐子珊最近忙於拍攝《溏心風暴之家好月圓》，她透露在劇中會有三點式泳衣的演出。夏天有不少泳衣騷，問她會不會考慮接泳衣騷，她說：「唔得喇！拍劇就得，行泳衣騷壓力好大，同個台好近，我會好驚，嗰陣時選港姐着泳衣個台好遠就好啲。」徐子珊更說：「希望今次套劇出街之後，有多啲搵外快機會，拍多啲廣告，我個人唔貪心，有六位數字就夠嘞。」
採訪、攝影：楊潔雯