蘋果批Online
今天《蘋果批Online》十二時開騷
Click入http://pie.appledaily.com收看
歡迎透過web-cam即時發表意見或致電29908648安排親身上場
電郵：mailto:[email protected]
網誌：http://pieatapple.wordpress.com
啱啱上任做咗台灣總統嘅馬英九，上星期喺一個會議表示，鼓勵台灣旅遊業界盡量使用正體字，要「讓他們（大陸觀光客）去適應我們，不是我們去適應他。」馬總統上任後，堅持保護正體字。面對中國嘅經濟力量，都難得地有咁嘅堅持，睇嚟正體字喺可見嘅將來，都唔會成為「文化遺產」……
主持：高明輝
1
彭：最低能嘅，就係後面個後，寫咗皇后個后；麵包個麵，寫咗我哋塊面個面，呢啲笑話就成日出現。裏面個裏，簡體字係寫里字，有個大陸嘅表叔，佢就好似對我哋啲漢字或者繁體字好有嘢咁，佢就寫封信，寄去「戲院里」，佢就寫咗「寄戲院裏」。好似呢啲笑話就好多嘅，點解一個地方，只係一個文字，就搞到咁混亂呢？
2
彭：文化，係應該畀個社會慢慢積累返嚟，你唔可以一個人用暴君式嘅行為，去將個文化打殘或者摧毀……應該係畀人民去帶動個文化轉變，而唔係某啲政治人，用佢哋手段，去迫令啲人民，將個文化扭曲，或者將啲文化逆轉……鄧小平都講咗樣嘢，就係所有領導人，出嚟題字簽名，都必然寫番繁體正字。點解佢都要咁講呢？佢都明白到，若果一下子全盤撐呢啲簡體字，中國文化就會死亡，甚至乎係一種國寶嘅殲滅。
彭：舊年年底嘅時候，有個傳言就話一定要用簡體字，要殲滅咗或者唔准用繁體字。馬英九當時就企出嚟講，我哋一定要堅持，採用正體字。若果佢今日可以企得咁硬，我覺得佢好堅喎！
