【本報訊】一對小姊弟從34樓高層爬牆偷走，在天水圍天逸邨引來街坊議論紛紛，街坊指小姊弟雖然頑皮，同時年紀細「唔識死」，但家長有責任作出照顧，批評其父母不負責任。
住在逸池樓28樓救回姊姊的甘太，從保安口中得悉小姊弟已非第一次，她非常憤怒說：「死啦，以前都試過（姊弟），一次冇事，兩次冇事，唔係次次都咁好彩」，為人父母知道子女的問題，應要多加留意及教導：「再有第三次唔好彩，小姊弟出咗事，真係好冇陰公。」
34樓的陳先生稱，黃家搬入約6年多，街坊見着一對姊弟長大：「嗰對細路好百厭，經常喺走廊追逐玩耍，甚至到垃圾房玩垃圾」，他們將垃圾扔到走廊上，鄰居向黃父母投訴，他們一派愛理不理樣子，惹來街坊反感。
於本月7日黑色暴雨期間，小姊弟亦與母親在家，母親一覺醒來時發現女兒不知去向，致電丈夫及家姑查問，住在屯門大興邨的家姑開門發覺渾身濕透的孫女站在門外，原來女童偷走乘輕鐵往屯門找嫲嫲，黃母為防女兒再出走將鐵閘大門鎖上，不料姊弟爬牆逃走。
管教「百厭星」先改造自己
明愛青少年及社區服務社會工作督導主任林強稱，超級「百厭」小朋友之所以難教，絕大部份原因是父母一開始就使用錯誤方法，對子女長期使用高壓手段如打罵，故才有物極必反的不要命「爬牆」行為。是以尋求有效管教「百厭星」的方法，父母首先要改造自己，例如參加社署或其他非牟利機構舉辦的「教仔班」，學習如何管教子女。
林強又稱，參加教仔班只是起步，打後至少一年，才是與子女重新「磨合」關鍵期，要子女聽話，父母必須要有極強耐心，才能慢慢改變頑皮子女過往的反叛行為模式，這才是最有效的管教方法。