一人一天至少有三分一時間呆在公司，若日夕相對的同事騎呢兼不衞生，日日在公司困獸鬥確甚惡頂。
phoebe37這樣形容同事：「男同事，四十幾，成日搵個文件夾夾鬚根；女同事，三十尾，成日喺個位夾眉毛；男同事，三十幾，食完lunch好興拎紙皮舖地瞓覺。」cherry_lam有個極品同事，逢大雨弄濕鞋襪，便在公司脫下，將之置櫃桶手柄等冷氣風亁！wongcy：「女同事喺公司踎地剪腳甲，又搵工具批腳皮。」
但原來還有更過火，RenRen的朋友折返公司，驚見男同事對着電腦屏幕做猥褻行為，其友不慌不忙拋下一句：「唔阻你，慢慢啦！」更有網友稱有同事於公司pantry做愛被偷拍！titankaine慨嘆以為「4仔」才會發生；dincat認為遲早被人偷拍放上youtube。
http://forum.baby-kingdom.com/viewthread.php?tid=1441583&extra=page%3D4
《蘋果》網聞請你報料！大家無論在網上網外發現任何騎呢搞笑的事情，都歡迎提供照片或短片資料。
請附姓名、電話及電郵地址，電郵到：mailto:[email protected]