袁彌明昨天為新書「反．串」舉行發佈會，她的母親也有出席撐場。席上袁彌明形容06年拍了白癡無聊的劇集《肥田喜事》，後因監製指她沒有落力增肥，最後角色變得可有可無。
「唔再講TVB」
有書迷問袁彌明書中指男性的食慾和性慾有關的問題，及做港姐未必會名利雙收，她說：「點解上屆港姐啲人會認得？因為張嘉兒俾人話似豬扒囉。」
問袁彌明會否送書給無綫的人？她說：「鬼要咩！啲書應該會攞咗去當飛鏢。」至於會否送給無綫高層樂易玲？她說：「佢都話唔記得，問吓佢要唔要囉！要就送100本。其實TVB幕後好多人都鍾意睇我寫嘅嘢，我會送畀佢哋，但暗啞底唔話你哋知。」對於謝賢指無綫孤寒，她說：「佢嘅地位唔同，我就唔再講TVB喇！」問她該書爆料會否怕有手尾要跟？她說：「唔怕，𠵱家都冇人打我。」
採訪、攝影：王連連