甄子丹前晚與太太汪詩詩帶同囡囡甄濟如（Jasmine），前往欣賞動畫電影《功夫熊貓》的首映，Jasmine一見記者拍照，立即自動擺出幾款功夫甫士，有模有樣，不過甄子丹表示從沒教過囡囡功夫，甚至連自己演的功夫片也不准她看，而Jasmine則希望長大後成為模特兒。
由陳奕迅（Eason）、何韻詩、房祖名和何超儀等人配音的動畫電影《功夫熊貓》，前晚在太古城舉行首映禮，除了一班配音藝人到場外，甄子丹及鄭丹瑞均帶同一家大細到場欣賞，其中甄子丹三歲大的囡囡甄濟如甫見記者影相，即自動自覺擺出功夫甫士，相當趣致。
籌拍功夫動畫電影
問到甄子丹有否教過囡囡功夫時，他說：「冇㗎，我唔畀佢睇功夫片，連我自己嗰啲都唔畀，太刺激，不過佢真係有啲天份。」再問到他日後會否教Jasmine打功夫時，甄子丹表示因為太辛苦，所以不會教她打得很犀利，反而待囝囝甄濟嘉（James）長大些或會教他打功夫，因為男仔健碩一點比較好。
其後甄子丹又透露Jasmine原來很想當模特兒，他笑說：「佢成日喺屋企跟媽咪行catwalk，佢成日話『Iwanttobemodel！』連周汶錡見佢都話佢好淡定有天份。」他又笑言若Jasmine將來投身模特兒界，他不會阻止，最緊要是囡囡開心。甄子丹又透露希望搞一套有關功夫的動畫電影。
Eason負責為電影中的熊貓配音，對於陳慧琳日前宣佈結婚，Eason說：「我都係啱啱知，恭喜佢。」會否傳授一些夫婦相處之道及育兒經驗給她？Eason笑言：「等佢問我先。」
祖名爆父親不開心
何韻詩則為片中的老虎配音，她笑言自己的性格與角色相似，很少機會被人欺侮，不過她說：「不過我感情上成日俾人『蝦』，我一向好遷就另一半。」阿詩自爆當年與許志安在《拉闊音樂會》有親密舞蹈，結果另一半向她發脾氣，記者問是否劉浩龍時，她始終不肯透露。
至於成龍日前訪台遇抗議，其子房祖名說：「我諗佢有少少唔開心，佢好鍾意台灣，唔係都唔會娶媽咪，佢都算係半個台灣人，老竇都有叫我小心講嘢，我同佢都係口直心快嘅人，易得罪人。」為配合聲演角色的溫柔性格，何超儀笑言近日對老公陳子聰特別溫柔，令他有點不知所措。
採訪：張俊銘
攝影：陳順禎
