苗僑偉、吳卓羲和陳鍵鋒前晚現身中環，為無綫新劇《學警狙擊》拍攝外景。日前苗僑偉舉行生日派對時，與吳卓羲傳緋聞的江若琳和梁靖琪（Toby）齊齊現身，對此吳卓羲說：「唔知，好似返工咁，撞口撞面都係同事。」
「年紀差咁遠」
問到吳卓羲可有跟江若琳交換電話？他說：「平時拍戲要講都講晒。」對江若琳印象如何？他說：「係個聰明女仔，口齒伶俐，雖然得21歲，但好似喺呢行好耐咁。」又指江若琳很懂得講說話，𠱁得苗僑偉很開心，問他覺得與江若琳有沒有發展機會時，他說：「嘩！我哋年紀差咁遠。」
此外，江若琳昨日在金鐘出席公開活動時，對於有報道指吳卓羲拍劇時恰新人無視她，她說：「呢排真係太多新聞，一時又話我同佢陷入三角關係，一時又話佢恰我，我哋成組人都相處得好開心，佢都好肯教導人，唔會特別避忌，只會繼續好似以前咁自然相處。」
採訪：胡比
攝影：仇志德