溫碧霞（Irene），周汶錡及AmandaS.前晚現身洲際酒店，出席抱趣堂的展覽活動，觀賞世界最大的綠寶石，Irene身穿其招牌式紅色單膊裙性感打扮，更向記者大晒幸福，她說：「女仔都係鍾意鑽石，老公成日喺啲重要日子送珠寶畀我，不過自己比較casual，好少戴珠寶，自己都係欣賞藝術品多啲，好似我一年前買咗幅抽象畫，嗰時十幾萬，𠵱家都升值咗兩、三倍，自己𠵱家學緊畫畫，老師都讚我有天份。」
不會翻看舊作
問到近日由李彩華主演的《火蝴蝶》有抄襲她的代表作《火玫瑰》之嫌，Irene表示：「啲人都話抄得幾犀利，不過自己冇睇，我𠵱家連自己嘅戲都唔會睇番，所以都唔識講同唔會比較。」此外，謝瑞麟二太太張美琳也有出席，當記者上前問到謝瑞麟的近況，她即急急腳走人，迴避傳媒訪問。
採訪：顏英儀
攝影：仇志德