梁洛施（Isabella）與英皇因合約問題而對簿公堂，至於曾任Isabella形象顧問的英皇前小花何嘉莉，03年成功與英皇解約後，06年便嫁給甜品屋太子爺黃逸璋（King），婚後過着幸福少奶奶生活，前晚她與丈夫結伴到戲院睇戲，見阿King先後撲去買飛和汽水零食給太太，認真服侍周到。
英皇前小花何嘉莉02年時有感事業發展不如意，於是主動向英皇提出解除尚餘五年的合約，結果03年成功跟英皇和平解約。
趕買飛拿紙巾
當上「自由人」的何嘉莉，06年與「發記」甜品屋太子爺黃逸璋結婚後，一直過着幸福小師奶生活，夫婦更經常結伴逛街看戲，恩愛程度羨煞旁人。
前晚8時許，記者又發現何嘉莉與丈夫阿King到中環ifc睇戲，二人急步跑進戲院買票，原來是準備欣賞8時10分開場的驚慄片《破天．慌》（TheHappening）。
阿King匆匆走到售票處買飛，何嘉莉則蹺埋手站在一旁等候，買飛後尚有幾分鐘便開場，故兩人飛撲到小賣部買汽水零食，離開後，阿King卻發現忘記取紙巾，於是立刻跑回小賣部拿紙巾，全程如阿四般服侍周到。
前後腳出戲院
其後阿King和何嘉莉拿着汽水零食入戲院睇戲，至晚上9時半散場離開。記者見何嘉莉獨自先走出戲院，然後不時四圍眼望望，大約一至兩分鐘後，才見阿King邊講電話邊步出戲院，兩人繼而結伴到停車場取車離去。
採訪、攝影：娛樂突發組