【上海直擊】第11屆上海國際電影節今晚舉行閉幕禮，昨晚安排了在上海影城播映電影《東邪西毒終極版》的首映，穿了白色透視裙的劉嘉玲，與未婚夫梁朝偉姍姍來遲，他們十指緊扣到場，大晒恩愛。
8月放假辦婚事
嘉玲右手戴了一枚巨型鑽戒，問到二人可是10月結婚，他們都笑而不答。
黎芷珊代表無綫追問劉嘉玲的婚禮籌備進展，黎芷珊事後說：「嘉玲話7月再公佈。」此外，首映的戲票每張150元人民幣，開售當日已售罄，款項會捐作四川賑災。
製片人張家振昨日出席在紅磡舉行的「星城娛樂有限公司」記者會，近日有傳梁朝偉與劉嘉玲將於今年結婚，其好友張家振說：「我唔會問偉仔呢啲私人事，只係知道澤東（偉仔經理人公司）7月之後就唔做佢嘅私人事，所以𠵱家一路做緊宣傳。」
吳宇森士氣大挫
《赤壁》之前拍攝一場撞船特技時發生火災意外，張家振說：「已經做咗賠償，賠幾多就唔方便透露，不過我要澄清死嘅唔係韓國人，係香港人，噚日都舉行咗喪禮，吳宇森受到大打擊，話冇影響大家嘅士氣就係假嘅。」
此外，據澤東經理人方面接受電話回應時表示，偉仔由現在開始至8月，安排了連串《赤壁》宣傳活動，現在偉仔於上海出席電影節，稍後又到韓國，接着再去北京、上海及成都等地區宣傳。
至於8月後偉仔繼續有工作，他會到內地拍廣告及為澳門星際酒店工作，但澤東對其婚事則不作回應。
採訪、攝影：曾小嘉、盧健