陳慧琳（Kelly）日前在尾場演唱會上公佈婚訊，並表示會在10月擺酒，昨日有報道指Kelly和未婚夫劉建浩（Alex）決定在10月8日於君悅酒店擺酒，就此事向Kelly經理人鍾珍求證，她在電話中說：「唔啱㗎，日子同地點都唔啱，佢（Kelly）公佈婚事幾日，我哋呢幾日都仲搵緊地方，不過如無意外都一定會喺秋天舉行，會喺香港擺酒，一切事落實咗一定會通知晒大家。」
婚紗款式未定
至於Kelly有沒有特別要求在甚麼地方擺酒？鍾珍笑說：「佢冇乜特別要求，反而佢最緊張件婚紗靚唔靚，佢𠵱家自己都睇緊究竟係買定係搵人造，不過佢話最緊要係靚，但連婚紗款式都未定㗎。」
採訪：葉雪