我求大俠想當年等心儀女神回覆都幾惡頂；勢估唔到呢啲事都發生喺有妻有女嘅簡拿華路身上；簡拿華路因傷無緣歐國盃，話說佢早幾日傳咗幾個短訊，畀佢皇馬隊友卡斯拿斯及沙治奧拉莫斯，叫做打吓氣，不過兩位西班牙人竟然唔回覆，搞到大簡心如鹿撞，仲話遲啲打電話畀佢哋；既然人家心有所屬，大簡無謂痴纏落去。