法國中場列貝利，喺分組賽最後一仗與意大利嘅森保達碰撞後，即告因傷離場，事後證實需養傷兩個月，總算較預期輕微！好多人認為法國出局，與列貝利早早退下火線有關，不過呢壇嘢就肯定搞到其球會拜仁頭痛；事關德甲8月開鑼，屆時列貝利上陣未明，加上另一前鋒東尼在今屆比賽亦唔多掂，萬一拜仁開季有乜唔妥，肯定有排嘈。