周三「例行公事」對希臘，西班牙派後備兵上陣，西甲射手獎得主古爾沙4次射門就入1球，開「大」之餘亦為4大聯賽嘅神射手爭一口氣！呢場波之前僅英超神射手基斯坦奴朗拿度有進賬，而德、意神射手東尼同廸比亞路仲未開齋，古爾沙亦鬱鬱不得志，只能屈居韋拿、費蘭度托利斯之後，猶幸今場入球助攻各一，八面玲瓏。