今個月我車報員可以話忙到飛起，事關唔少汽車代理都推出新車，淨係去新車發佈會都去咗好幾次。講番上星期四（6月12日），車手李英健開設嘅CarPro汽車專門店開幕，當日展出佢同葛民輝合作、兼噴上啞黑色嘅FerrariF430，仲有全球限量10部同身價超過800萬嘅CarlssonAignerCK65RSEAURouge。而啱啱過去嘅星期一（6月16日），Subaru又舉行咗新一代Forester2.5XT嘅抵港發佈會，新車唔只Size太過舊款，內櫳陳設仲靚咗好多，車窗腰線又拉低咗㖭。至於機械配搭，以2.5公升水平對向四汽缸Turbo引擎作核心，馬力輸出230匹，仲加埋AWD四驅系統。車價$259,890，同上一代差唔多，都幾吸引喎！
記者：車報員