港股反彈一日後，又再下跌，令市場人心虛怯，入市信心薄弱，多隻股份跌幅擴大，但嘉賓認為港股只是受外圍因素拖累，並非受本地因素改變影響，所以恒指落到22500點應有支持。
楊：楊慧玲 郭：敦沛金融投資研究部主管郭家耀
楊：好多散戶都因為大市波動而唔敢入市，市場氣氛好差，其實市況係咪真係咁差？
郭：今次跌市主因有兩方面，第一係外圍市況唔就，美國企業近期出嘅業績都比預期差，觸發美股下跌；第二係內地反彈只曇花一現，A股昨大跌超過6%，但港股開市跌咗一下之後，已經唔係太受A股表現影響，睇到香港投資者唔會好似內地投資者咁恐慌性拋售。所以港股只係受外圍拖累，雖然跌勢喺短期會持續，但恒指去到22500點會有支持。
楊：我見好多大藍籌都已經喺低位有支持，港股係唔係已經跌定咗？
郭：內地股民無咁理性，所以股價波幅比較大，A股係跌得過份咗，H股都唔係跟得咁足，所以只要國家繼續出口術穩定市場情緒，跌勢應該會慢慢減輕。
EMAIL解答：港鐵可繼續持有
AliceTeng：我喺27.4蚊入咗港鐵（066），想問有乜嘢建議？
楊：佢嘅股價都已經跌到今年低位，減持定等個市回升好？
郭：其實佢嘅股價近期喺25蚊邊已有支持，只要唔跌穿呢個位都可以繼續持有；如果個市反彈，散戶都會睇好佢土儲多嘅優勢，支持佢股價做番好啲。
收市後4:30pm
click入 http://finance.appledaily.com以webcam參與節目及收看
歡迎phonein28698262暢談心得亦可email至mailto:[email protected]
搶先貼股
