上個禮拜，阿根廷教練巴斯利指今屆歐國盃開波幾場勁悶、冇驚喜，隊隊只求分數；佢話口未完，歐國盃開始入肉，入波多咗又好睇咗。聽完佢咁講，令我好期待噚日朝由南美雙雄交鋒嘅世界盃外圍賽，點知場波悶到離晒譜，枉我捱夜睇完歐國盃後，瞓得嗰3粒幾鐘再起身，呢鋪真係癡心錯付。巴斯利，批評人之前，諗吓自己先唔該！