波蘭人有幾鍾意足球？我求大俠就覺得一般喇。事關當波蘭有份比賽嘅時候，會有超過1,000萬嘅觀眾收睇直播；但當波蘭冇波踢，班友仔就即時轉台去睇肥皂劇，搞到收視率大跌。須知波蘭電視台買歐國盃個轉播權鬼死咁貴㗎，聽講成250萬歐元（約3,750萬港元），但原來國民嘅興趣都係一般，睇怕呢鋪要蝕大錢囉。