教練喺大賽時真係有得震冇得瞓，好似意大利主帥鄧納東尼就慨嘆，意法之戰令佢甩咗好多頭髮；佢話：「比賽前一晚好緊張，第二朝瞓醒只見成枕頭都係頭髮，唉，希望之後可以生番啦！」老鄧亦估唔到做教練壓力大過當年踢波：「領先1:0時，宜得自己踢埋一份，但今時唔同往日，假如落場踢，分分鐘跑40米就大腿肌肉撕裂喇！」