曾演電影《鰻魚》嘅52歲日本實力男演員役所廣司，最近首次自導自演新片《香蒲之油》，佢仲親自構思呢套家庭倫理電影，役所搵埋近期人氣急升嘅青春男星瑛太扮演佢個仔，電影《海鷗食堂》嘅實力女演員小林聰美就扮佢太太。前日役所喺千葉公開拍攝，順便舉行記者會，拍攝嘅時候役所表現得好投入，仲獲小林聰美大讚細心。