【本報訊】樂壇天后陳慧琳（Kelly）昨晚在紅館正式宣佈下嫁男友劉建浩（Alex）。現時35歲的陳慧琳與小她一歲的劉建浩拍拖16年，近年屢傳婚訊，但她都予以否認，昨晚在紅館演出尾場「陳慧琳LoveFighters演唱會08」，Kelly身穿類似婚紗的長裙，唱至十一時十五分左右，她突然在舞台上說：「今次係紅館裝修前嘅最後一次演唱會，我嘅心情就好複雜。」她隨即舉起手，流露欲哭的表情，並哽咽着宣佈：「可以喺度開騷……我唔識講……呢個騷完成咗之後，各位，我要結婚喇！」全場歡呼聲震耳欲聾，Kelly雙手抱頭激動大叫，然後說：「多謝，多謝大家。」
Kelly又蹲下來說：「我真係想講咗好耐，忍咗好耐，終於可以講出嚟。」她又問歌迷會不會在她婚後仍繼續給予支持，聽見歌迷歡呼，她感動落淚，又不停問假如她生了小孩是否還可以唱《花花宇宙》及《大日子》，她又說：「唔好以為我會退休，今次演唱會好完美，但之前真係好辛苦，我又怕悶要搵啲嘢做吓，我會繼續唱歌㗎。」最後，Kelly返回後台前又興奮大叫：「你哋唔好唔記得我，我要結婚喇！」