繼陳慧琳前晚宣佈結婚之外，在商台任DJ已15年的卓韻芝，昨日突然在其主持的節目《五天精華遊》中宣佈一重要消息，就是主持多兩星期節目後，她便會離開商台，赴美國讀書，相信不少她的忠實fans都會感到非常愕然。
現年29歲的卓韻芝（阿芝），92年參加商業電台的「殺戮戰場DJ選拔賽」脫穎而出，之後以兼職身份加入商台工作，不經不覺已經做了15年。阿芝昨日在節目中，突然煞有介事但語帶輕鬆的道出離開商台的意決，她說：「我將會喺好短時間內離開商台，離開呢個做咗15年嘅地方，咁我會去邊呢，就係諗住去讀書。」
或赴美考學位
由於事出突然，不少支持她的聽眾感到驚訝，但阿芝又表示其實還未考學校，甚麼也未有預備，但她謂朋友一早已知這個決定。提到是否到美國考取學位，阿芝還講笑說：「我覺得我小則就過咗一陣就咁返番嚟，大則就好似AmyWinehouse咁離開世界。」
做事獨斷獨行
本報記者昨日致電阿芝，她說：「其實有好多嘢仲未落實，好似搵學校，讀邊科咁都未定，我冇咁快離開香港，或者明年春天先走，不過我有其他工作要編排，又想去吓旅行，所以咪辭職先，商台做到7月頭啦。」
阿芝中五畢業後全職擔任商台DJ，19歲時創作《芝See菇BiFamily》廣播劇，以一人分別聲演苦榮同小苦妹兩位主角，大受歡迎，成功吸納一大班老中青聽眾，令她成為當紅DJ之一。不過阿芝做事向來獨斷獨行，01年戀上有婦之夫陳輝陽，無奈03年二人分手收場。
撰文：林妃
