2R自從沒有簽任何經理人之後，所有工作上的大小事務都要親力親為，她們覺得雖然少了工作人員的照顧，但可以做自己喜歡的工作，最重要是謝絕飯局應酬。她們更透露有機會拍周潤發和鞏俐主演的電影，準備再戰影壇。
組合2R的黃婉伶（Race）與姊姊黃婉君（Rosanne）現時的身份不但是藝人，更身兼經理人為自己接洽工作，Rosanne表示自從沒有與任何經理人公司簽約，工作上的安排全靠自己，她日前說：「我哋都有啲陰影，以前好勤力做唱片，點知唱片公司係咁換人，搞到出咗碟都冇人知，真係見過鬼都怕黑，我哋想搵到合適嘅先至簽。」
揀喜歡的工作
Race表示自己接工作的好處除了可以揀喜歡的工作外，更可與不同人接觸從而學習與人相處，她說：「以前任何嘢都有唱片公司嘅人或經理人幫我哋傾，好多人保護，𠵱家我哋反而同記者、廣告商嘅關係仲close咗。以前唔係好識同咁多人相處，𠵱家就叻咗，呢個係其中一個得着。」
Rosanne又指假如再簽經理人公司，合約上她們一定要寫明不要作多餘的應酬，她續說：「我覺得傾工作上嘅細節食餐飯冇問題，但係要我哋去食飯飲嘢應酬就唔需要啦，所以我哋搵經理人時一定要寫明呢一點。」
新戲又打又唱
下月2R將會到倫敦casting，她們有機會與周潤發及鞏俐合演西片《上海》，於戲中飾演40年代的歌女，Rosanne說：「我哋會好好珍惜呢個機會，因為可以同世界級嘅演員合作，前排我哋用咗幾個月時間去揀戲入邊要唱嘅歌，同埋我哋又接咗一部武打片，呢排要去學武功。」
採訪：李珮洳 攝影：陳慧安
服妝提供：Diesel
髮型：TavinLiu（HairCulture）
場地提供：FatAngelo's
