無綫劇集《法證先鋒II》昨日在葵芳新都會廣場宣傳，只見主角歐陽震華、鄭嘉穎撐場，幾位重點女角都不知所終。鄭嘉穎落力宣傳，揹起李亞男玩遊戲，但是卻不小心令李亞男露底。
壓力大所致
鄭嘉穎工作多壓力大，今次拍《法證先鋒II》都怕「陀衰家」，幸好收視理想，但最近為了減壓，戒了煙七年的他，在湖南參加《舞動奇迹》時，開始再食煙，他說：「嗰時壓力好大，我都覺得呢個唔係藉口，我仲以為自己可以好似七年前咁樣，一戒就戒到，今次真係好難，同埋我真係好內疚，之前我仲拍過戒煙宣傳片，我呢個係反面教材，今日我爆出嚟都係想畀壓力自己我戒煙，同埋講咗出嚟舒服晒，所以以後大家見到我食煙可以鬧我。」
鄭嘉穎出席宣傳活動之後，便趕去黃竹坑村拍《烈火雄心3》外景，今次在一所空置單位拍攝，只見內裏傳出陣陣黑煙，而穿上背心的鄭嘉穎未埋位時已一身汗，故要頻頻飲水解渴。
採訪：楊潔雯
攝影：陳慧安