韓國搖滾樂隊紫雨林主音金潤兒上年6月秘密下嫁牙醫金亨圭，喺10月又順利生咗個金豬仔，最近佢就抱住8個月大嘅BB，為韓國版嘅女性雜誌《瑪利嘉兒》拍咗一輯靚相，BB長得精靈可愛，金亨圭都大方上鏡，同妻兒影全家福。金潤兒婚後一度減少曝光，懷孕嗰陣幾乎冇現身公開場合，不過佢前晚喺電視節目上，也大方公開自己同BB嘅生活照。