「𡃁界女神」JaniceMan（文詠珊）由模特兒界踩入娛樂圈這個大染缸發展，但她透露其實小時候家教甚嚴，尤其父親對她十分嚴格，不過她會以「死𦧲」方法讓爸爸就範。
父親管教嚴
Janice說：「我細個時爹哋成日喺屋企同我玩騎膊馬，而且我每次出街都要屋企人買新玩具畀我，如果爹哋唔買，我就死都唔肯走，賴死直到佢買為止先肯返屋企，所以每一次都會有新玩具帶返屋企。」
文爸爸對女兒交朋結友也十分緊張，Janice說：「細個同朋友出街、講電話，爸爸都會問清楚，又唔畀我出夜街。後來到咗中四、五，我開始做part-time模特兒，屋企開始畀多啲自由我，我覺得爹哋以前管得咁嚴，都係為我好，怕我學壞，屋企人𠵱家都好支持我model嘅工作，其實佢哋好錫我。」
採訪：顏英儀