第十九屆《耆英饑饉8小時》昨日假青衣城舉行記者會，今屆譚詠麟與李暉獲委任為榮譽推廣大使，而羅蘭、梁舜燕及余慕蓮則擔任饑饉大使，年輕一輩歌手陳曉東、張敬軒、關心妍（Jade）及江若琳到場幫手呼籲。
譚詠麟出席活動前，應內地電台邀請與災區一名獨臂的16歲少年通電話，原來對方靠一隻手救了4位同學，譚校長說：「我同佢講要將呢種精神感染身邊嘅朋友同同學，做到守望相助，最後佢問我拎咗39個簽名想送畀同學，嚟緊仲有類似打氣電話我會繼續做。」記者問他手戴的靚錶是否父親節禮物？他表示是好友送贈，但刻錯了「AlanTan」（應是Tam），至於囝囝則送上心意卡。
江若琳跳車逃走
江若琳在前日父親節被狗仔隊跟蹤，她說：「拍完劇收工，我坐關伊彤架車，點知狗仔隊不停追，到某個塞車位我就跳車轉的士，最後搞到冇得出街，喺屋企同家人慶祝父親節，免得屋企人曝光。」
採訪：馬建華 攝影：黃偉雄