梁朝偉、金城武及張震主演嘅電影《赤壁》，下月10日會全亞洲同步上映，噚日首次公開韓國版嘅宣傳海報同預告片。海報上，三個主角着住盔甲英姿凜凜，而演諸葛亮嘅金城武張相係三人之中最大嘅，足足大梁朝偉同張震個頭超過一倍，電影公司可能嫌佢兩個喺韓國嘅人氣唔及金城武，所以設計成咁啦！