調查發現，自主辦國瑞士光榮出局後，瑞士人搖身變做咗荷蘭（橙兵）球迷！無他嘅，荷蘭今屆大玩進攻足球，個個都踢到識飛咁，係會多球迷喇，連我求大俠都俾班荷蘭仔吸引住。瑞士人仲話荷蘭人特別友善，同佢哋傾計都傾得埋啲喎。不過計我話係因為荷蘭𠵱家表現好，先搞到喺足球流氓排行榜名列前茅嘅荷蘭球迷轉死性啫。